Ишкола президента хоржамаш
Наьсарен- Шахьара №19 йолча юкъерча ишкола президента хоржамаш дӏадихьар. Ерригача ишкола юкъарлон терко тӏаэзар цу кхетачено. Ялх саг дешара урхаллен кулгалхо хилара къовсаме ваьлар. Хоржамаш къаьга а, дийлла а дӏадихьар, хӏара дешархочун таро луш, шоай яьннача ханага хьежжа доацаш, цу юкъе дакъа лаца.
Дешархошта видеороликага гӏолла йовзийтар хоржамаш дӏадахьарал хьалхара кандидатий программаш. Бераш дика дакъа лоацаш дар хоржамашка, шоашта хетар аьлар цу хьалах. Ишкола волаш волча президента, кандидаташа цу хьалах лаьца къамаьл дир, цар белгалдир демократический оагӏув, ишкола вахаре кагирхоша дакъа лоацаш хилар лоархӏаме долга.Кхадж иштта тессар цар:
1. Чахкенаькъан Саӏид-88 саг;
2. Малсаганаькъан Лида-66 саг;
3. Тӏумхой Дени-55 саг;
4. Могушканаькъан Адилия-36 саг;
5. Ӏарчакханаькъан Ислам- 30 саг.
Хоржамий хӏара доакъашхочо дика кулгал дара оамал гойтар: хьалхадаккха хар, дӏакхетавар, дикагӏа йола балха оагӏув йовзийтар. Хӏара кандидата дакъа лацара а шийна хетар алара а мах оттабир.
Цу хоржамех ишколан вахаре лоархӏаме дакъа хилар, цар хьагойтар мел лоархӏаме да дешара моттига хургдар вӏашагӏдоллаш хӏаране дакъа лацар.
