Бокъо йоацаш ток лечкъаяьраша 104 млн сомага кхоачаш зе даьд ток лоаттаечарна. Баьча тохкамо хьахьокх, 145 % бахархошка, 13млн кВт/с болха моттигашка кхоачаш долга. ХӀара моттига духьала каьхаташ кийчдеш латт ток лоаттаеча моттига къахьегамхоша. Юххьанца дала дезаш хинначул дукхагӀа ахча такха дезаргда цар хӀанз. «Ток лечкъаяро доккха зе ду берригача мехка. Цкъа-дале, бокъо йоацача тайпара тока саьргаш дӀа-хьа тувсаро дагадоацача хана цӀи яккха, кхыдола хатар де тарлу. ШозлагӀа-дале, мехкара тока моттиг тоае аьттуви низи хилац, наха иштта ток лечкъаеш, цох доккха декхараш хьерчадеча хана», – дийцар «Ингушэнергонна» кулгал деча ТӀоаршхой Рамзана. Харцача наькъаца зе деш бараша шоашта доагӀа гӀод токхаргда. «Къилбаседа Кавказа Россеташ» яхача моттиго юха а кхайкарал ду, токацара харцо цхьа бекхам боацаш юсаргйоацилгах. КоАП 7.19 яхача статьяга диллача, бокъо йоацача тайпара ток йоагаяьчарна, 10 эзар сомагара 15 эзар сомага кхоачаш, гӀод тохаргда, балха моттигашта 100-200 эзар сом. 165 йолча РФ УК статьях, ши шу совгӀа суд такха оттаву ток лечкъаер.