Эксперташа яхачох, Киев геттара чIоагIа тохаенна хиннаяле а, уголовни гIулакх хьаделларгда яхаш, наха кхерам тIатийса бале а, ЛНР бахархоша денал а, граждани сакхетам а сомабаьккха, шоашта бакъахьа хетар хьадир.

Республикански ЦИКе баьча хоамах, моажола бетта 25-ча денга кхоачаш, 20:00 ха яьннача хана, 76% хоржамхой кхадж тасса баьннабар.

Хьалхадоаккх, ЛНР референдуме лаьрхIар хьатIаэцаш да, нагахьа санна ахнел дукхагIа болча наха кхадж тассабале. Цудухьа бокъонга диллача, уж хоржамаш эттад ала йиш я.
ХьалхагIа шин дийнахьа, кхадж тассарах бола хоам мара ховш бацар. Из, Донецкерча Халкъа Республике (ДНР) из яр 55%, Запорожски областе-35 процент, Херсонски-31,8 процент. ХIара дийнахьа Россеца хиларах кхадж тоссача наьха, дукхал совйоалаш латт.

Цу даькъа тIарча бахархоша яхачох, референдум дIаяхьарца, цар белгалду шоай дезалла кхерамзлен Iалашо йола вахар хургхилар.

СихагIа Россех дIакхетаро, тха вахар кхераме доацаш а маьрша а дерзадергда, йоах цар.

Из кхета а деш, Киеверча таIазаро ший къизал совйоаккхаш латт. Цу тайпара, референдум дIахьош йолча хана е лаьрхIа хина теракташ гучаяьхар, Украина арахьарча разведка агентура.

Иштта дале а, РФ регионашка шерлуш латт ЛНР, ДНР мукъадаьккхача доазон тIа референдумаш дIаяхьара болх.

Цунна масала да, Назране этта хинна йоккха митинг.
Российски Федерацена чуйоагIаш уж республикаш хилар а, мобилизаци яр а, бахьан да, цу наьха вахар маьрша даккхарал совгIа, исторе оагIорахьа а нийсхо яра лаьрхIа.

Цига къамаьлдаьча «Единая Россия» парте, комитета кулгалхочо Кхоартой Ибрахьама, вай бараш бутаргбац аьлар.

Белгалдаккха дезаш да, ГIалгIайчера, РФ кхыча республикашкара, мукъаяьхача республикашка гумманитарни новкъостал дахьийтад, итташ тоннаш продукташ а, иштта кхыйола эша хIамаш а.

Цу тайпара новкъостал дIахо де лерхIаш да ЛНР, ДНР, Запорожски, Херсонски областашта.