«Скайп», «Валет» яхача оагӀонашка гӀолла; вай мехкара яхархо Ӏехаяьй зуламхоша
26.02.2024 11:23
«Скайп», «Валет» яхача гӀолла бувзаме баьнна, 120 эзар сомá Ӏехаяьй вай мехкара яхархо зуламхоша. Из хоам газетага бир МВД болхлоша.
«МагӀалбикерча МВД болхлой болча енача кхалсага дийцар, «Смирнов Александр», «Громов Виктор» да тхо яхача шин сага, акцеш эце дикка пайда хургба хьона, аьнна Ӏехаяь, тийшача балхах шийгара ахча дихьалга. 120 эзар сом совгӀа ахча дӀатӀадахьийтад цо царна», - белгалдир МВД болхлоша.
Зуламхой лохаш, болх дӀахьош ба Ӏаьдала болхлой. ХӀанз массехказлагӀа кхайкарал ду МВД болхлоша бахархошка. Боккъал а ма дувла шоашта ца бовзача нахаца бувзаме, цар дувцачох тийше, шоай ахча дӀатӀа ма ахийта! Цхьаккха сагага дӀа ма ювца шоай банковски карта номераш, фийла хила! Ма теша вӀалла а шоашта бӀаргабайна боацача нахах!
