Гӏалгӏайчера хьехархо белгалъяьлар, ерригроссийски кхетаче дӏахьош
Къилбаседа Кавказа федеральни куран хьехархоша дукха сатийса мехкашта юкъера Рождественски дешара кхетаче- «Хьехархочун кхетам балара толам» яха ХХ-гӏа Ерригроссийски яхьа ӏӏ-ча моттигашта юкъерча даькъ тӏа котбаьннарашта совгӏаташ луш кхетаче дӏайихьар. Царна юкъе белгалйоалаш яр Гӏалгӏайчен викал- Гӏажарий-Юртарча №3 йолча ишкола кулгалхо Гӏулой Анжела. Цун кхетам балара балха говзала лакха мах оттабир кхелахоша, гӏалгӏай хьехархочун Гран-при луш.
«Гӏулой Анжелай яхьан болх белгалбир Ставропольски края дешара министра Дечева Еленас, баркал оалача каьхатаца, иштта Ставропольски епархе грамотаца, цо кагирхошта дика кхетам баларах. Цул совгӏа, цунна елар «Къахьегама Саг» яха майдилг, цо дика къахьегарах», - аьлар Гӏалгӏайчен дешара, ӏилма Министерстве.
Белгалду, из дика яхь дӏахьош хилара бахьан да; кхетам балара даькъ тӏа дикагӏа йола дешара моттигаш лелаяр; ший професси дукха езаш, из дика балха даькъ тӏа лелаеш бола хьехархой гучабахар. Доакъашхоша гойт авторий тохкама балхаш, программаш, методически материалаш, цар таро лу кхувш йоагӏача тӏехьенна, Даьхенцара безам совбоаккхаш, кхетам бала, культуран т1ехьаленцара цар лерхӏам лакхбе.
Гӏулой Анжелас яьккхача коталон лакха мах оттабу цун балха новкъосташа; цар чӏоагӏду, моллагӏа йола халонаш тӏехьаюташ хилар боккъонца долча хьехархочун начӏало.
