Республикерча яхьашка котбаьлар Долакха-Юртара кагирхой
25.12.2025 09:34
Республикерча яхьашка дикка белгалбаьлар Долакха-Юртара cпортсменаш. Из хоам «Сердалога» бир цар тренераша.
«21 шерга кхачанза болча спортсменашта юкъе, лакха говзал гойташ, шоаш дӏабовзийтар берий-кагирхой спорта ишколерча cпортсменаша. Укх бетта 24-ча дийнахьа Магӏалбике дӏайихьар яхьаш. Акхасаганаькъан Юсуфа хьехаш хиннача Шовхаланаькъан Халида дошо майдилг яьккхар (57 кг), Осменаькъан Адам кхоалагӏча моттиге эттар (70 кг).
Гаркхой Шамала кхеваь ӏаьленаькъан Мухьмад-Башир шоллагӏча моттиге эттар ( 79 кг), хӏаьта Ганенаькъан Беслана хьийхача Саьпарӏаланаькъан Исмаӏала ший ишкола «дотув» дера цу яхьашкара ( 61 кг)», - дийцар тха газетага.
