200 гаргга къаьнара хӏамаш корайир Гиретера
200 гаргга къаьнара гӏирсаш корадир Гӏалгӏайчен Гирети яхача лоаман комплекса даькъ тӏара, яхаш, дийцар «Сердало» газетага «Тӏехьале» яхача гӏишлонхой-меттаоттаяра Ишкола зарбан болх лелабераша.
№3 йолча кашамашка, Е.И. Крупнова цӏерагӏча археологически центро, Москверча М.В. Ломоносова цӏерагӏча паччахьалкхен университето, «Тӏехьале» яхача гӏишлонхой-меттаоттаяра Ишколо техкар 60 каш, царех хӏаране чу яр хьалха баьхача наха шоай вахаре хӏара денна лелаеш хинна е культуран оагӏорахьара лелаяь хӏамаш. Цхьаццайолча моттигашка шиъ-кхоъ тӏабувха гӏирс корабир, цох кхетаде йиш я чоалханеча дукхача барзкъех латташ дола гӏирсаш цу ханарча наха дувхадаь хилар.
Говзанчаша дӏахьош ба цун тохкам бара болх, уж гӏирсаш цӏен а деш, чӏоагӏ а деш, таханарча кепара доахаш болх дӏахьу. Цо новкъостал ду корадаь гӏирсаш довза, уж малагӏча ханашка дувхадеш хиннад ха.
«Материал терко тӏаяхийта езаш я. Цун чоалхане хилар да, уж нах цхьана дӏабохкар. Цу моттигашка нийслу тайп-тайпарча наьха дегӏа маьженаш шоайла вӏашагӏъийна. Цудухьа лоархӏаме да тӏехкаш ше-ший йолча сага къаьста хургйолаш болх дӏабахьар», - аьлар Д. Н. Анучина цӏерагӏча МГУ антропологе Музея, НИИ болхлочо Чагаров Онгара.
