Йийлла урок хилар ГӏалгӀайчен Паччахьалкхен искусствай колледже
ГӏалгӀайчен, паччахьалкхен искусствай колледже классически халхара йийлла урок хилар. Кхетаче дӀахьош яр Меданаькъан Хьава- халхара даькъа йоккхагӀа йола хьехархо. Из халхара даькъ тӀа йоккха балха говзал йола хьехархо я. Урок дӀахьош белгалдир, чакхъяьннача семестре студенташа Ӏомадаьр малагӀа да. Кагирхоша цига гойтар сесси дӀаяхьара шоаш мишта кийчо яьй, цунца цхьана шоашта хьалхашка латта хаттараш а довза таро хилар, балха говзал лакха йолча хьехамчас могадеш дар хьаэца, иштта шоашта ца ховр малагӀа да тахка.
«Урока тӏа дувца оттадаь хинна дош дар, «ДегӀ нийса леладар, маьженаш ловзае хар, из классически халхарца керттердар да»- из цӀаьхха хержа а дацар. ДегӀ нийса леладе хар классически халхарца керттердар да, цох тийша да халхар цӀена хилар, цун хозал гойтар, хкалхарца вувзавеннача артиста хургдолчун кхерамзле хилар. Урок дӀахьош белгалдир цу даькъ тӀара практически а теоретически а хьалаш», - аьлар «Сердало» газетага искусствай колледже.
Студенташ уйла тӀайохийташ бар, хьалхашка нийслуш долча хаттарашта. Гулбеннарий таро хилар студентий толамаш го, Меданаькъан Хьавай хьехархочун оагӀув нийса хилара мах оттабе.
Иштта цига таро хилар студенташта шоай чӀоагӀагӀа йола халхара оагӀонаш йовзийта, цу юкъа баьча балха мах оттабе, дӀахо йодача хана де дезар белгалде. Иштта, искусствай колледже хьаллоацаш да халхарца дувзаденна дешар, цига иштта кийчбу балха говзал лакха йола халхара даькъ тӀара говзанчаш.
