ПСБ: мехкаш дегӏаахаро, вай заман хьалаш кхолларо толамашка кхача таронаш лу къоначарна
Республикера инвестицеш, болхлой хьаллоацаш хилар тӏехьар тӏа йола таронаш я, кагирхой шоай профессиональни никъ харжа ловш хургболаш. Къаьстта из дар ПСБ арахьарча бувзама кулгалхочо, йоккхагӏа йолча вице-президента Подгузова Верас, «Хьа бренд. Хьа никъ. Хьа Кавказ» яхача сессена чудоагӏаш, Кавказа инвестицей кхетаче дийцар.
Подгузова Верас яхачох, моттигера экономика дегӏайоалаяр, укх заман хьалаш хьакхоллар, зӏамагӏа, юкъера бизнес лелаяр керда таронаш хьакхоллар, кагирхой профессионални болх лелабеш хилар, дегӏаахара институташ таханарча хьалашка яха езара тӏехьа деш дар да. Йоккхий балха моттигаш, цу юкъе ПСБ, столицал арахьа а шоаш хилар гойташ я, кердача гӏулакхера центраш хьаеллаш, балха моттигаш хьакхоллаш. Подгузова Верас хьалхадаьккхар, ПСБ Ярославле дӏаяхьа лаьрхӏа йола йоккха проект кхоачашъеш хилар, цу юкъе 5000 болхло а волаш. Уж шоай дезалашца, керда балха моттигаш хьакхоллаш, шахьара даькъ тӏара хьал дегӏадоаладеш хургба.
Кавказа таронех дувцаш, Подгузова Верас къаьстта терко тӏаяхийтар балха тӏа лакхвалара долча банка хаттара. ПСБ кхоачашъеш я финансай, инвестици дика йовзаш лелаяра программа, болх беш я «ПСБ Драйв» яха мах луш йола болх ӏомабара оагӏув, иштта цунна чудоагӏаш дола дешара хьалаш хьакхоллар, цу юкъе ИТ говзанчаш кийчбу «Таьрахьа дакъа дӏалоацаш йола Ишкол» а йолаш.
Цул совгӏа, банк дакъа лоацаш я лакха технологически кердадараш юкъедахар дегӏадоаладеча. Шоай гӏулакх цар дӏахьоргдолаш, уж хьаллоацаш, цу юкъе моттигера къаман ӏадаташ дегӏадоаладеча дакъа лоацаш уж хургболаш, амал даь болча бӏухошта «Керда цӏи- предприниматель» яха программа я цу банке. Уж кхо проект лаьрхӏа я, къонача говзанчашта шоай профессиональнии дегӏаахра никъ лаха могаргдолаш, шоай цӏенна юхе хургболаш», - аьлар Подгузова Верас.
«Россе халкъа цхьоагӏон Шу долаш, оаха Кавказа инвестиционни кхетаче йоккха «Россе Са. Къулбехье» яха, вай боккхача мехка ӏадаташ гойташ йола программа дӏахьош я. Из проект пайданеча таронех, ӏадатех, тешамах тайп-тайпарча культурех дувцаш я. Цо хьагойт цар белгалонаш, цунца цхьана вай мехка моттигаш шоайла вӏашагӏтохаш хилар, хӏаьта Росси – кхыча дуненца. Тха проекта декхар - кагирхой кхетаргболча оагӏорахьара культуран тӏехьален мах бараш, ӏадаташ довзийтар. Из да таханарча заман хьал дика дегӏадара йола кӏийле чӏоагӏъяр», - аьлар Росконгресс Ганза кулгалхочо Маринина Еленас.
