Гӏалгӏайчен говзанчаша хьун хьал техкар, хьун хургдар миштад хьежар
Рослесозащита филиало Гӏалгӏайчен хьуна 2026 шера хьалхарча ах шера мах оттабир, яхваш, дийцар «Сердало» газетага, мехка ӏалам лорадеча боахаме.
«Хоамаш гулдеш, лаьттанцара тохкама балхаш дӏадихьар; хьуна лазараш дий хьажара паччахьалкхен программа чудоагӏаш дола балхаш дир. Гӏалгӏай мехкарча 11 эзар гектар даькъ тӏарча хьун хьал эсала да. Керттера бахьанаш да - ара хаоттам тайп-тайпара хувцалуш хилар, шоллагӏдар - наьха бехках нийслуш дола хьалаш.
Мехка гаьнаш яйнаяц. Керттера кхоачамбоацар да- гаьнаш мелъялар, юкъ-юкъера лоаман хьунашкара попа гаьнаш йокъалуш хилар», - белгалду республикан хьун хьал тохкаш болча говзанчаша.
Ираза, говзанчашта гуш хиланзар, лазараш лета гаьнаш цу юкъе хилар, бакъда 2026 шера теркама юкъе хургда цхьацца дола лазараш лата йиш йолаш хилар, цудухьа хьалххе лаьрххӏа бола болх дӏахьоргба, цу тайпарча лазарашта духьала кийчо еш. Дӏадахача шерашка, хьун даькъ тӏара хьал арарча хаоттамах тийша хилар. Цу юкъе белгалду, хьун хьал дика цахилар, кхерам болаш да Наьсарерча хьун боахамашка гӏолла ӏодода хиш, цунна ӏаткъаш хилар бахьан долаш.
Цхьаькха а цхьа дика да: «Рослесозащита филиала говзанчаша, 2025 шера, Гӏалгӏайчен хьун патологически хьал башха хувцалуш хургдац, йоах.
