Ӏилманхо дукхача шерашка вахаш а болх беш а ва, ший овла биц ца беш, ший хьамсара мохк дегӀабоалабара дакъа юкъехьоргдола никъ лохаш.

Профессора Боканаькъан Ӏийсас ший тоаба хьакхеллар Франко-гӀалгӀай тохкама центре, цо тӀатеӀӀа къахьег гӀалгӀай мотт лорабара, вай къаман Ӏадаташ, культура Европе дӀайовзийташ. Кхетаче йолаш цо Келаматанаькъан Махьмуд-Ӏаьлаца къамаьл дир экономика даькъ тӀа керда юкъарлон проекташ кхоачашъ - ярах а, цар Россена а ГӀалгӀайченна а дика пайда лургба.

«Аз цӀаккха а бакъбаьбац, шоай мехкара дӀа а баха, цига арахьа из мохк бӀехбеш бола нах. Вай дерригаш а дувзаденна да Россе доккхача истореца, цун юкъарлонна гӀулакхашца, халонашца. Вай мохк йоккха тӀехьале йолаш ба, цун кертте латт кхоане йола чӀоагӀа кулгалхо», - аьлар ГӀалгӀайчен кулгалхочо, профессора болх лоархӀаме хилар белгалдеш.

Республикан Кулгалхочо, Боканаькъан Ӏийсайна бакъахьа хетар хьаллаьцар, цо иштта белгалдир, гӀалгӀай культура лораяра новкъостал дарал совгӀа, цун исторе керда оагӀонаш а цо хьаеллаш хилар.