Гӏалгӏай мехка Цӏай-Лоам тӏа, къаьнара гӏишло кораяьй
05.12.2025 13:13
Аргӏанара балхаш, иштта хьалха дӏа ца лоархӏаш диса архитектура сийленгаш гучадоахаш болх дӏахьош болча хана, Жӏайрахьа-Ахабоарзен паччахьалкхен историко-архитектурни, ӏалама музея-заповедника болхлошта корайир, «Коали» яхача гӏалай комплекса даькъ тӏа, Цӏай-Лоама кӏалха, геттара еха гӏишло.
Из я Гирети комплекса 800 м лакхагӏа, Цӏай-Лоам тӏа воалача моттиге.
«Цу гӏишлон кӏийле нийса саьнаш долаш я: къулбехьен, къилбаседа оагӏош дӏаьха да - 3,50 м; малхбузехьара, малхбоалехьара оагӏонаш – 3 м. Йоханза йола къулбехьен оагӏув лакха я 1 метр. Малхбоален, малхбузен оагӏонашка хьатӏадаь цӏалгаш да, уж да 9 м дӏаьха.
Цох дӏахо бола хоам ма барра тахкара дӏадахьа деза археологически балхаш»,-аьлар «Сердало» газетага тхов кӏалха йоацача музее.
