Футболист Оздой Мухьмад дикагӏа вола ловзархо яха цӏи яла оттаваьв
05.12.2025 13:09
Гӏалгӏай футболиста Оздой Мухьмад, Греце суперлиге «ПАОК» ФК лайчилла бетта дӏадихьача диъ ловзара юкъе, дикагӏа вола ловзархо санна белгалваьлар. Из хоам «Сердалога» бир Гӏалгӏай Республикан футбола Федераце.
«Цу лоаццача хана цун таро хилар шоашца ловзачар наӏарашка йиазза бургац чутоха. «Пансеррайкос» ФК ловзар дӏахьош цо шозза толам баьккхар, цу ловзара чаккхе чот 5:0 йолаш хилар.
Цул тӏехьагӏа Оздой Мухьмада хинна толам дӏачӏоагӏбир «Левадиакос» ФК цхьан даькъ тӏа. Цар тоаба котъяьлар 3:2 чот йолаш. Мухьмада юкъара баьккха толам бахьан долаш из дикагӏа вола ловзархо яха цӏи яла могавир», - аьлар хоамо.
