Мехкарча МВД ЦПЭ болхлоша полице колледжа студенташца кхетаче дӏайихьар
Кагирхой цхьанкхетарий Цӏагӏа Даькъастен полице колледжа студенташца кхетаче дӏахьош хилар, моттигерча МВД экстремизм яхача зулама духьала къовсам лоаттабеча оагӏон болхлой. РФ МВД болхлой Денна хетаяь кхетаче яр цига дӏайихьар. Къонабарашта цу оагӏонцара лерхӏамедараш довзийташ болх ба ала йиш яр цох.
«Сердалога» бенача хоамах, кхоана юристаш хинна къаман хӏама лораде дӏаотта безача къонабарашта дийцар, экстремизм яхача зуламах лорабала безилга, бӏеха гӏулакх доаржаде гӏертараша дувцар цхьаккха тайпара хьаллаца йиш йоацилга, иштта бола нах хоабенна болх хуле, ӏалаьмате сиха ӏаьдалга хоам бе безилга.
Къаьстта терко еш дийцар интернета оагӏонашка гӏолла къонабараш тувлбе, воча хӏаман юкъеоза гӏертарех, малашб ца ховча нахацарча бувзамах лоравала везилгах. Студентий дукха хаттараш дар МВД болхлошка. Цу дийнахьара кхетаче царна дикка пайда беш, дукха хӏама довзийташ хилар, ала деза. Мехкара паргӏато, машар лорабеш латтарий хӏара дийнахьара декхараш дайзар къонабарашта.
