Экономиста денца даькъалабийцар вай мехкара цу оагӏон болхлой
Паччахьалкхен вице-премьераш болча Кокурхой Адама, Вешкаранаькъан Темарлана экономиста Денца даькъалабийцар мехкара цу оагӏонца къахьегараш. Республикерча экономически гӏулакхех йолча Министерстве дӏайихьар цу гӏулакха хетаяь кхетаче. Цига дакъа лоацаш вар министерствон хьалха латта Гиренаькъан Исроапил а. Республикера рузкъан-экономически оагӏонцара гӏулакхаш тоадара тӏехьа къахьегарах, баркал аьлар цо хьинаре къахьийгарашта.
Экономически оагӏонца кхоачашде дезарех, иштта йоккхача проектех дийцар гулбеннараша. 2025-ча шера ханага диллача, 24, 6 млрд сом ахчан гӏулакхаш кхоачашдаьд мехка, дӏадахача шерга хьежача 3,5 млрд сом дукхагӏа хул из, 16%-га кхоачаш хьалхабоалаш. Таханарча дийнахьа республике инвестиционни тӏорме чу 57 млрд мах болаш 26 проект я. Карарча хана болх дӏахьош латт мехка 12,3 млрд мах болча проекташца.
Шоай болх лакхача боараме, бехктокхаме дӏахьош къахьегача болхлошта; Паччахьалкхен, Минфина, экономиках йолча Министерствон грамоташ елар.
Хьинаре, тӏехдика, мехках дог лазаш дӏахо къахьега даькъалабийцар Кокурхой Адама, Вышкаранаькъан Темарлана цӏай дола болхлой.
