Наьсарерча дешархошта дийцар Роскагирхой проектах
«Маӏаний хьехамчаш.Керда никъ» яхача проектага гӏолла Наьсарерча дешархошца кхетаченаш дӏакхухьаш хилар, мехкарча кагирхой цхьанкхетаррий Цӏен доакъашхой. Кхетаче гулбеннараш бар СОШ № 1, № 1 йолча лицеера, №1 ишкол-интернатера, СОШ № 13, СОШ № 15 дешархой. Кагирхой гӏулакхех болча федеральни оагӏоно, къонабарий оагӏув хьаллоацаш, тахан доаржадерех дийцар гулбеннарашца.
«Сердалога» кхаьчача хоамах, дешархошта дийцар федеральни, моттигерча кагирхой проектех, мах боацаш йолча дешара программех, йоккхача ерригача Россе кхетаченейх, иштта боккха пайда хулача грантови яхьех.
Къонабарашта дийцар ишколе багӏача ханагара хьаболабенна, хӏара денна къахьегаш шоаш дӏабовзийта, дикача гӏулакхашта юкъе дакъа лаца, къаман хӏама хьаллоацаш гӏо дерашта юкъе хила йиш йолгах.
Кхувш латтача тӏехьенца иштта йола кхетаченаш йоаржаяр чӏоагӏа лоархӏаме да къаьстта тахан. Доккхача гӏулакхашка бодача наькъ тӏа хьалхара гӏа баккха, пайдане, беркате хургдараш доаржаде аьттув хургба цар.
