Дошхьакълерча гӀалашка хьежар
ЖӀайрахьа-Ахабоарзен паччахьалкхен историко-архитектурни, Ӏалама музея-заповедника кулгалхо Сампенаькъан Ахьмадхан, ший болхлошца цхьана ваха хилар Дошхьакълой гӀалаш йолча, кастлуш говзанчаш дӀаболалургба, ГӀалгӀайчен культуран тӀехьален гӀишлош лораяра дола балхаш де.
«Дошхьакъле - ГӀалгӀайчен лакхача моттиге, Галгаевски оалача чӀожен ЦӀай-Лоама даькъ тӀа улла гӀалай хьисапе юрт я.
ХӀанз цига белгала я ялх гӀат дола тӀема гӀала, из дикка йохаяь я, бархӀ нах баха гӀала я цунна гонахьа, чӀоагӀален пен ба. ТӀехьарча бӀаьшерен, моастагӀчох лоравалара лаьрхӀа кхерах яь хиннача гӀалан тӀехьашкара пенаш хаьрцад. ЦаӀ ах километр Дошхьакълен дӀахо улла йоккха, Даьла хьоахавеш хинна моттиг а ах еха яьннай.
Цу даькъ тӀа иштта кхыйола хаьрца гӀишлош я», - аьлар «Сердало» газетага музее-заповеднике.
ГӀалгӀайчен культуран тӀехьале лораяр, таханара керттера декхар да. ДӀадахача бӀаьшерен кхерах еттача гӀалгӀай къаман дагалоаттама гӀалаша хьагойт, мохк культурно-исторически дегӀабара керттера ха.
