Литературни классикай а, хIанзарча ханара кхоллам а беша йиш я телефонашка гIолла а, электронни версешка, бакъда, каьхата книжкаш деша ловраш дукхагIа хулаш боагIа.

Хьалхадоаккх, Магас — гIалий тIа, Россе Къулбехье цаI хьалхарчарех, книжкаш дIа-юха хувцара полкаш яьлар автобуса остановкашка.

Уж еррига маркетинга проекташ лаьрхIа яр, хIанз латташ дола социальни хаттар дIакъовлара.

Карарча хана из болх дIахьош ба.

Цу тайпара, дукха ха йоаццаш, Магасе Спортивни сийлен даькъа тIа хьайийллай «Книжни кофейни».

Из хьакхеллача Къоастой Вахас яхачох, керттера бахьан да, саг укхаза кофе а молаш, шийна дукха везача йоазонхочун книжка деша йиш йолаш хилар, цул совгIа, безам бале, шийна деза книжка эца а йиш хул.

Эксперташа оттабеча маьхага хьежача, книжка деша ловш бола мехкарий дукхагIа ба, кегийча нахал. Из духхьала вай мехка гIолла да ала йиш йолаш дац, Россе кхыча регионашка а да из.