«Цига дийцача къамаьла юкъе керттера дош дар Донбасс лораеш Россе дIахьош йола лаьрххIа тIема операци, цига дакъа лоацаш я «Терек» яха гIазкхий тоаба. Из хIанз СВО доазон тIа чоалхане, хала декхараш кхоачашдеш я. Кхетаченна юкъе кхыдола гIазкхий декхараш дийцар: юкъарлонаш дегIайоалаяр, гуманитарни гIулакх, Тирка йистерча гIазкхий кадетий корпус хьаярах, Тирка тIема гIазкхий юкъарлон доалахьарчунца, экономикаца дувзаденна хаттараш», - аьлар «Сердало» газетага ГIалгIайчен къаман министерстве. Совета чудоагIаш, дIахойодача хана де дезар белгалдаьккхар. Цу юкъе дар кагирхой Даьхенцара безам совбоаккхаш кхетам балар, спорт, туризм дегIайоаляр, гIазкхий дезал хьаллацар. ЛоархIаме терко тIаяхийтар паччахьалкхен Iаьдалца, моттигерча доал деча даькъ тIарча викалашца бувзам лелабара долча дешашта.