Арахьа бахача вай кагирхошта дагаух 1944 шу
Ингушские студенты и выпускники Университетов Франции провели круглый стол, посвященный очередной годовщине депортации. Тему встречи они определили словами: «Преступление, которому нет срока давности». Об этом «Сердало» рассказал руководитель Франко-Ингушского исследовательского центра Иса Боков.
Цунах дийцар «Сердало» газетага Франко-ГIалгIай тохкама юкъарлонна кулгалхочо Боканаькъан Iийсас.
— Тахан саькура бетта 22-гIа ди да, Лоррен яхача Францерча моттиге гергача истола гонахьа гулбелар из бе-башха доацараш, харцонна 79 шу дизара хетадаь дар из вIашагIкхетар. НизагIа шоаш бахача моттигера шийлача, цIайзача Iай гIалгIай, нохчий арабаьха 79 шу дуз.
Из унзара ха, цIаккха а йицлургйоацаш, гIалгIай дегашка йисар, исторе оагIон тIа дIаязйир, маьршача наха духьала иштта къизал ена ди из хилар белгал а деш.
Цу тайпара кагирхошта кхетам луш йола кхетаче дIаяхьар бахьан дар, кагирхошта шоай бIаргашца хинна къизал гойтар, дегашка вай къамо лайна халонаш ювшийтар, уж биццабалийтар. ВIашагIкхийттарий уйла яр: миччахьа ГIалгIай мехка а Европе а хиларах, тхо цаIаш да, бала а хиннар а цхьана декъаш.
Кхетаче дIахьош Францерча университета выпускникаша дийцар шоай даьша лайна уж унзара денош, из хала вахар, цига нохчаша, гIалгIаша лайна халонаш. Адамаша ловргдоацача халача хьалашка мехкахбаьннача наьха ла дийзача вахарах лаьца, цар эзача балах лаьца дувцаш, дIайихьар из ха гулбеннараша.
БоккхагIчар дувцачунга ладувгIа йиш хилар кагирхой, цар къамаьл дIаяздаь хиларах, царна къаьгга ховш хилар малагIа Iазап лайнад вай даьша. Цу тайпара дувцараш эшаш да, вай кагийча наха, мехкарашта республике а цул арахьа а дешача е бахача моттигашка, цар сакхетам лакхбергболаш, царна вай даьша лайна халонаш йицлургйоацаш.
