Ӏаьлий-Юрта СВО бӏухой бераш говраца лела ӏомадеш, говзанча хьехамаш дир
«Даьхен лорабой» ганза филиало, ӏаьлий-Юртарча говрий клуба даькъ тӏа, говзанча хьехам дӏабихьар лаьрххӏача тӏема операце доакъашхой берашта.
«Илдарха-Гӏалан ганза вахарца бувзабенна болх бечар вӏашагӏделлар из гӏулакх. СВО бӏухошца Оздой Ахьмадаца, Хазанаькъан ӏаьлаца вӏашагӏкхетар цӏаккха дицлургдоацаш хилар берашта.
Тӏем тӏа хиннача бӏухоша йовзийтар говра тӏа вагӏара бокъонаш, цар шоашта могар дир берашта из дицлургдоацаш хилийта гӏерташ. Хьаьшаша дийцар хьайбашка мишта хьажа веза, кхерамзлен бокъонах дӏадехар фуд. Къонача доакъашхой таро хилар хьайбашта ӏунал де, цар оамалаш йовза, уж кхаба, хьаста», - аьлар хоамо.
«Берашта чӏоагӏа дезаделар из вӏашагӏкхетар, дегагӏоз йолаш хилар из ди. Цу тайпара кхетаченаш дӏахьош хиларо, СВО бӏухой берашта хоадолийт шоаш бицбеш цахилар, шоашта терко лоаттаелга.
«Даьхен лорабой» ганза Гӏалгӏай Республике гӏолла йолча филиало дӏахо а бӏухой дезалашта лаьрхӏа культуран, спортивни, довзара кхетаченаш дӏаяхьа лерхӏ, уж лаьрхӏа я бераш хьаллацара, ноахалашта юкъера бувзам чӏоагӏбара», - аьлар ганза вахара дешашка хьожаш йолча Чиймарзанаькъан Марема.
