ДПС инспектора кхо шу суд йир вайцига
ДПС инспектор волаш болх баьча мехкахочун гӏулакх тохкаш хилар Шолжа кхален суд. Кхаъ эцарах бехке веш ва из ӏаьдало. «Сердалога» из хоам бир мехкарча Прокуратуре
«Мехкарча МВД тохкама оагӏонца дӏабихьача балхах хьадийллад из гӏулакх. Суде белгалдечох, 2023-ча шерарча тов бетта 4-ча дийнахьа «Кавказ» яхача федеральни наькъ тӏа болх дӏахьош йолча «Волга - 20» яхача «посте» гурзовой ши машин соцаяь, царга тахографаш йоацилга хайча, уж машинаш доалахьа йолча сагагара ший гаргарча сага карта тӏа дӏатӏатоссийташ 25 эзар сом кхаъ ийцаб цо», - йоах тхога бенача хоамо.
Из бахьан керте оттадаь, балхара дӏаваьккхав из. Кхаь шера набахте такха езаш ха техар цунна ӏаьдало, иштта кхаь шера паччахьалкхен, ОМС моттигашка болх бе йиш йолаш а вац из. Кхаъан лаьрхӏа цо хьаийца ахча а ӏаьдала гӏулакха дӏачудахийтад.
