Дукха машинаш тӏалатта боккха никъ тоабаь чакхбаьккхар
28.04.2026 09:31
Илдарха-Гӏала - Яндаре яха никъ тоабеш хинна болх чакхбаьннарг лархӏа мегаргболаш ба. Вахарера моттигаш тоаярах йолча къаман проектага гӏолла дӏахьошбар из лоархӏаме болх. «Сердалога» из хоам цу оагӏӏонцарча министерстве бир.
12 километрага кхоачаш бола никъ ба тоабаьр. Боаггӏача боараме чакхбаьккхар болх. «Шаьра, машинашца леларий хьал аттача доаккхаш ба хӏанз никъ.
Бахархошца бувзаме долаш, цар белгалдерашта терко еш, дӏабихьаб болх», - аьлар машиний наькъий гӏулакхех йолча министерствон кулгалхочо Хаматхананаькъан Батыра.
Белгалде деза, из никъ дукха машинаш лелаш болга. Наькъа юхе лоархӏаме вахара оагӏонцара моттигаш я.
Кхераме боацаш, дика никъ хилар цох тахан. Дӏахо, кхы а къахьега дезаш ба болхлой, 2026-ча шера ворхӏ никъ тоабе лерхӏ.
