Россе тайп-тайпарча миӏингашкара бӏухой-интернационалисташ баьхкар, Гӏалгӏайчен МКЖР хьажа
Гӏалгӏай къам мехкахдаккхара Мемориальни комплексе баьхка хилар беза хьаьший – бӏухой - интернационалисташ, уж бар Россе тайп - тайп-тайпарча миӏингашкара. Из яр дохаргдоацача доттагӏала, кӏоргга вай мехка истори лоархӏаш хилара белгало.
«Цу кхетачен керттера никъ дӏаболабелар зизаш дахкаргара. Халача тӏема хьалашка доттагӏал тесса бӏухой, бейнача турпалхой сий деш хилар. Бӏухой-афганций сийленга тӏа зизаш даьхкар. Тайп-тайпарча ханашка Даьхе лораеш бейнача бӏухой дагалоаттама хетаяь минот дӏайихьар», - аьлар «Сердало» газетага Гӏалгӏайчен МКЖР.
Мемориала моттиге экскурси еш хиннача ӏажанаькъан Мадинас хоадам боллаш дийцар моттига хӏара даькъах, цо бовзийтар цун исторически лерхӏам.
Кхетаче чакхйоалаш, доакъашхоша белгалдир, цу тайпара, цӏера ала юкъе хоттаденнача доттагӏала вӏашагӏкхетаро таро лу, юкъера юкъ гаьна яр аьнна доацаш, из шерашкара шерашка доалаш леладе. Тӏем цӏа ца боагӏаш бисарий сийдар - из да вай беррига боккха мохк вӏашагӏтохар.
