«Черсий йоӏ. Шеддолчо бартбар, хозали барзкъан эздели» яхача гойтаме ваха хилар мехкара премьер-министр
Паччахьалкхен гойтама галерее «Черсий йоӏ. Шедолчо бартбар, хозали барзкъан эздели» яхача гойтама балхага хьажа ваха хилар премьер-министр вола Сластенин Владимир. Аьдагӏий мехкарча Къаман музейс ена хӏамаш я цига гойтараш. Из болх вӏаштӏехьабаьккхарашта баркал аьлар Сластенин Владимира, къамашта юкъера культурай оагӏонашцара бувзам чӏоагӏбарах.
«Къамашта юкъера барт, бувзам чӏоагӏбара тӏехьа лоархӏаме да из. Къаьстта терко е еза цун Россе Президента Путин Владимира кхайкадаьча цхьоагӏон Шера.
Къаман истореца, ӏадаташца, культураца дувзаденнараш довза йиш я укхаза», - белгалдир цо.
Экскурси дӏахьош хиннача музеерча болхлоша дийцар, из проект Аьдагӏерча кхалнаьха тхьоврача шерашкара вахар довзийташ йолга. Вай зама ялале хинна Xӏӏ-Vӏӏ, вай заман XӏX бӏаьшере чулаьца, археологически, этнографически оагӏонца дувзаденнараш довзийташ болх ба тахан гуш бар. Кхалсага бера ханагара хьодаладенна, кхийна яьлча, маьре яхача – ший ханага хьежжа хувцалуш хинна вахар довза йиш яр цига.
