«Болам хилар Илдарха-ГӀалий тӀа, ардара бетта тӀеххьарча шоатта дийнахьа. Цу моттигашка салаӀара тӀера бола нах хул, бакъда царех дукхагӀчарна дагадохац, шоашта тӀехьа нувхаш дӀаяха», - аьлар мехка Ӏалама министерствон викалаша. ГӀалгӀай Республикан Ӏалама министерствон болхлоша, цунна чудоагӀаш долча доакъой къахьегамхоша, иштта доал деча даькъ тӀарча администраце болхлоша, хин йистош цӀенъеш болх дӀабихьар. Хьинар долча шин тоабанна бекъабенна бир из болх, цига гулдир, лакхе ма аллара, 216 нувхий гали. Белгалдаккха деза, ГӀалгӀай Республика дикка дакъа юкъехьош я «Россе хий» яхача болама, укх ялх шера хьалхара моттиг йоахаш хьайоагӀа из, российски моттигашта юкъе.