«Полице болхлошта гучаяьлар бокъо йоацаш Шолжа хи чура жагӀа лохьабеш йоалла мухь кхухьа машен. Иштта царна бӀаргаяйра «Камаз» яха самосвалаш, царех шиъ жагӀах, гӀомарах йиза яр. Цхьаькха «Камаз» яха самосвал, цӀарацӀур-эксковатор «Hitachi 200 G» хьаяьккхар полице, уж дӀаелар шоай даьшка; лораергья аьнна каьхаташ яздайта. Цу тайпара наха деш дола зе, полице болхлоша юхатехар», - аьлар бокъонаш лораераша. ТӀахьожама болх дӀабихьачул тӀехьагӀа, ховш хилар жагӀа, гӀум мичахьа Ӏойоассаеш хиннай. Из дар Эккажкъонгий-Юртара Балайнаькъан М. урамах улла лаьтта. Хиннар дӀахо а тохкаш я полици. Из лоархӀаме болх ба полице дӀабихьар, бокъо йоацаш, гонахьара Iалам толхадар юхатехад цар. Цу тайпарча гӀулакхо гонахьарча Ӏалама доккха зе ду. Цудухьа Ӏалам лорадара даькъ тӀа лоархӀаме гӀа баьккхаб ала йиш я, из зулам юхатохарах.