Хьинаре къахьега лерхI республикерча хьакимаша
Власти Ингушетии нацелены на 100% реализацию национальных проектов в ближайшем будущем. В 2022 году республика продемонстрировала лучший результат за весь период реализации нацпроектов в рекордные 98%. Если в 2021 году сумма неиспользованных средств исчислялась в 2 млрд 811 млн рублей, уже через год остаток был только 266 млн 694 тыс. рублей, сообщили газете «Сердало» в пресс-службе руководителя региона.
«Тха керттера декхар — къаман проекташка гIолла республикан хIара сага пайда эцар. Цу даькъера болх 100% кхоачаш чакхбаккхара хIара денна къахьегаш, дикагIа да аьнна хетараш юкъедоаладеш, хила деза вай», — аьлар мехкадас Келаматанаькъан Махьмуд-Iаьлас. ГIулакх тIехьадиса латтаргдоацаш, гIишлой балхаш дIадоладара тIехьа йола контракташ ханнахьа кийча хила еза, лаьттан доазоний каьхаташ кийча хила деза, цхьаккха кхоачамбоацар доацаш. 2022-ча шера шовзткъа совгIа йолча региональни проектах 12 къаман проектага болх дIаболабайта республике хьахьожадаьдар 11 млрд 532 млн сом.
«Къаман проекташка гIолла тахан вай республике хьалъеш латт лоархIаме гIишлош, ийеш латт дарбанчашка эшаш йола хIамаш, цул совгIа, тоадеш латт наькъаш, цIенъеш я нувхаш дIакхувсаш хинна йоккхий моттигаш, хьунаш меттайоалаеш, хин йистошка лостам беш къахьег», — белгалдир ший къамаьла юкъе мехкадас Келаматанаькъан Махьмуд-Iаьлас.
Республика кулгалхочо яхачох, къахьегаш дикка гаьнадала аьттув хилар вай шоай болх бехктокхаме, лоархIаме чакхбоаккхаш йола организацеш хиларах. Иштта хургда укх шера а. БоаггIача боараме къахьегаш болча болхлошта мел эша кхоачам хулийташ, дIадахьа деза гIулакх.
