ГIалгIайче берий бешамаш, ишколаш хьалъяра хаттар кхоачашдер я, «Образование», «Демография» яха къаман проекташ
Задачу строительства детских садов и школ в Ингушетии решают два ключевых национальных проекта — «Образование» и «Демография». Результаты их реализации видны сегодня в каждом населённом пункте республики, сообщил на своем Телеграм-канале Глава Ингушетии Махмуд -Али Калиматов.
Уж маьхалъяхара толам гуш ба, тахан, республика хIара юрта, аьнна хоам бир ший Телеграмм-канале, ГIалгIайчен Кулгалхочо, Келматанаькъан Махьмуд-Iаьлас.
«Нагахьа санна 2022 -ча шера даьр дийцача, 2I ишколеи, ийс берий бешеи дIачулуш я вай. Цо таро хулийтаргья ишколашкара кхоачамбоацараш 59% лаьгIде, иштта деша даха ха йоацача берий урхаленашкара 98% кхоачамбоацараш юстарадаха.
Иштта дукха хьалъеш латте а, уж тахан кхоачамболаш яц, эшаш я керда ишколаш. Из дувзаденна да, демографега диллача, ГIалгIайчено тахан хьалхарча моттигех цаI дIалоацаш хиларца.
Ишколаш, таханарча дено дIадеххача боарамах хьалъеш латт. Царех дукхагIъяраш спортивни майдаш, берашта лаьрхIа таханарча ханара лифташ, иштта кхыдола хьалаш чудолаш я», — аьлар региона кулгалхочо.
Из ваха хилар Шолжа-пхьерча ишколе болх мичахьа кхаьчаб хьажа, цо белгалдир, ши объект дIачуяла мара цаезаш кийча я аьнна. Цо, застройщикий терко тIаэзар, дIачулуча объекта йIовхалца а вентиляцеца дувзаденна хаттараш лерттIа хилийта дезаш хилара, иштта аьлар ерригача коммуникацешка хьажа аьнна.
«Госстройнадзор» боккхача бехктокхамца хила еза каьхаташца дувзаденнача балхашца, юкъенийсденна кхоачамбоацараш, нагахьа санна уж дале, дIадахара", -аьлар ГIалгIай Республика Кулгалхочо.
Цо яхачох, цу моча социальни объекташка тIахьожам хила беза, дIахьош дола балхаш миштад хара. ТIехьагIа тоае езаш йола моттигаш юкъе ца нийсъялийтар геттара лоархIаме да, дIахо йодача хана, цунна капитальни ремонт еш, ахча дIатIадахийта дезаргдоацаш.
