Говзанчаша яхачох, укх шера 211 шу дуз гаьна. Дагалоацалу зIамигача гаьна зIийргах га хиннай, Испанерча колонеша кортамукъале бахьан америкаца къовсам лоаттабеча хана, цIихеза хирург, анатом Николай Пирогови, музыка зирак хинна Фредерик Шопени ваьча хана, иштта Россе Госсовет кхоллар нийсденнача хана чу.
13-15-чеи бIаьшерий гIалаш ягIача, республика лоаман Даьхене, фордал лакхагIа 850 м ягIа кхора га. Из юкъе яхай дукха ха йолча гаьний Россе халкъана реестара.Кхора га Джейрахски районе, Лаьжги яхача юрта, Гаркхи яхача гIалай комплекса юхе ягIа.
ЛоархIамерча сийленга 400 номер оттаеш сертификат деннад. Ерригача Россе программах «Деревья-памятники живой природы» тIахьожам беча комиссе тIаийцаб из соцам.
Цул хьалха дукха болх баьб, диагностически тохкам беш НПСА «Здоровый лес» гаьний экспериза еча центра говзанчаша. Тохкамаша гойт, гаьна 208 шу хилар (2018 ш), лакхал-10 м, хена сомал, лакхера - 1,3 м.
ТIеххьарча ши бIаь шера «дийна» теш ва из га, гIалгIай къаман. Теша хала да, из баьццара сийленг, шийна юхе латтача архитектурни сийленгел кIезигагIча лоархIаме да аьлча.
