Ишколай президентий Ерригача Россе кхетаче дакъа лоацаш хилар вай мохк
Москве дӏайихьача ишколай президентий Ерригача Россе кхетаче дакъа лоацаш хилар вай мехкара хьехархой, дешархой. Из хоам «Сердалога» бир «Бералла наькъаш» яхача проекта доакъошхо йолча Коазой Миланас.
«Берригача мехкара, Байконур яхача шахьарера 8-10-ча классашкара 300 совгӏа дешархой, ишколай кулгалхой гӏончаш бар цу йоккхача, лоархӏамеча кхетаче гулбенна хиннараш. Москверча «Летово» яхача ишколе-пансионе дӏабихьар из болх.
Вай мехкара бахача викалашта юкъе бар «Олимп» яхача начӏал долча берий лицея кулгалхочун гӏонча ӏамарханаькъан Мадина, цига дешаш йола Чӏасанаькъан Ясмина, Магӏалбикерча № 3 йолча ишкола дешархо Цӏечой Алия», - дийцар тха газетага.
Дешара гӏулакхех йолча РФ министерствос вӏашагӏъеллача кхетачен доакъашхой даькъалабувц тахан, кхы а дукха толамаш даха, шоай никъ боаггӏача боараме дӏабахьа аьттув, низ хилба цар массане!» - дийцар тхога «Бералла наькъаш» яхача Ерригача Россе проекта доакъашхо йолча Коазой Миланас.
