Гӏалгӏайче котъяьлар, пауэрлифтингах йолча Европан йийллача чемпионате
25.06.2026 16:37
Гӏалгӏай спортсменаш котбаьлар пауэрлифтингах, иштта низ бустача спорта видах дӏайихьача Европа йийллача чемпионате, яхаш, дийцар «Сердало» газетага моттигерча спорта Министерствон зарбан болх лелабераша.
«Аьтинга бетта 19 - 21 деношка вай тоабо ший таронаш гойтар, дикагӏа болча латархошта юкъе. Дугенаькъан Адам белгалваьлар троеборье оалача спорта тайпах. Дзовранаькъан Амира «дошув» даьккхар вижа уллаш штанга хьалъайяь. Янданаькъан Саварбик эггара лакхагӏча лагӏа тӏа ваьлар.
Лаьнанаькъан Амира хьалхара моттиг яьккхар, штанга айярах. Вай спортсменаш накъабоахаш хилар республикан пауэрлифтингах воккхагӏа вола тренер Котанаькъан Хьамзат, Гӏалгӏайчен спортивни латара Федераце вице-президент Янданаькъан Султан», – аьлар хоамо.
