Шолжа-Шахьарера къахьегама шоатта хьаллаца 120 гаргга саг гулвелар
Экологе Шу хьаллоацаш къахьегама шоатта дӏадихьар Шолжа-Шахьаре. 120 совгӏа хьинардараш арабаьлар из гӏулакх хьаллаца. «Сердалога» из хоам бир мэре зарбан болх лелабеча Батиганаькъан Хьавас.
«Администраце болхлой, иштта кхыйолча моттигашкара къахьегамхой буц дӏахьокхаш, шахьара моттигаш нувхех цӏенъеш, гаьнаш, кӏотаргаш дӏатедаш баьхкар цу дийнахьа. ӏама гонахьа, Бохтаранаькъан цӏерах болча ураме лостам баро куц тоадир моттига. 200 совгӏа гали нувхаш яр цигара гулъяьраш», - йоах тхога бенача хоамо.
Хӏара шерара Ерригача Россе доаржадеш дола къахьегама шоатта хьаллаца арабаргба бахархой бекарга бетта 25-ча дийнахьа. Экологех дог лазаш бола гӏо деш лелараш, тайп-тайпарча моттигашкара болхлой, бизнесменаш, иштта кхыбараш а ба арабовла лерхӏараш.
