ГӀалгӀай къаман
юкъара газет

Кердадараш

Наджгоанцхой бетта кхоалагIча дийнахьа, ГIалгIайчера фецара кема Соче аха долалургда

ХьатIахулача кердача шера, наджгоанцхой бетта кхоалагIча дийнахьа денз, «Магас» оалача ГIалгIайчен аэропорта графика юкъе хургда, Соче додаш дола керда фецара кема. «Азимут» яхача авиакомпане кема да из. Цунах дийцар «Сердало» газетага ГIалгIайчен паччахьалкхен зарбан болх лелабераша.

«Россе Superjet 100 яхача российски фецарча кемашца, кIира цкъа цига кхаччалца додаш кема хургда», - йоах хоамо.

Цу наькъ тIа фецара кема лелаш хилар геттара чIоагIа эшаш дале а, хIанз укх сахьате цига цхьаь цаI российски кемай цу тайпара компани лелаш яц. Iан замах кемаш леларгда пIаьраска дийнахьа, Сочера 10:20 яьлча хьа а доагIаш, Магасе 11:40 минот яьлча хьа а кхоачаш; юхадахар хургда цун 12:40 минот яьлча, Соче Iокхоачаргда 13:55 минот яьлча.

ДIахо бIаьстан-ахкан замах, тушола бетта 31 дийнахьа денз ардара бетта 20 денга кхаччалца, кIирандийнахьа леларгда из, нагахьа санна кемаш кастагIа ахар дезаш хуле, уж тIатохаргда, яхаш, дийцар фецарча кемай компане. 

Электронни газета язле

(PDF) кӀира цкъа арадувла къаман юкъара «Сердало» газет, цӀагӀара ара ца воалаш деша таро я

Хьаязде