ГӏалгӀайчен 9 тоаба къовсаелар, КВН лиган ах чаккхен доазонашка
ГӏалгӀайчен 9 тоаба шоайла яхьеяьлар КВН республикан лигерча ах чаккхен чухьа, из дӀайихьар Шолжа-Шахьара культуран ЦӏагӀа, яхаш, дийцар «Хьалхарчар болама» балха говзанчас Налганаькъан Рамзана.
«Из кхетаче вӀашагӀъеллар дар «Хьалхарчар болам» яха моттигера дакъа, иштта ГӏалгӀай Республикан кагирхой гӀулакхех йола Комитет. Дукха сатийса йола яхьий оагӀув дӀайихьар ишколай, иштта колледжий дешархошта юкъе. Бераша шоай толамаш хетадир ишколерча вахара а, иштта студентий вахара а. Из деррига дӀахьош дар таханарча заман кепара, кхувшбоагӀараш шоайла бовзарца, дагабаларца дувзадаь. Хьожаш хиннараша хьаллаьцар къона начӏал дараш, чӀоагӀа тӀоараш детташ, дег чура къамаьлаш деш», - аьлар хоамо.
«Оаха дукха кийчо яьяр цу денга. Из духхьал яхь хинна Ӏацар- из яр шийна карагӀдоалар гойта йиш йола моттиг», - аьлар тоаба керте латтачо.
Проект лаьрхӀа яр кхоллама моттиг кийчъяра, кагирхой шоайла дагабалара. Котбаьннарашта 100 000 сом ахча лургда.
