Черсий мехка администраце, паччахьалкхен 100 шу дизарца, даькъалаювц вай республика
28.08.2024 09:57
ГӀалгӀай Паччахьалкхен 100 шу дузаш долча долча денца, даькъалабувц вай мохк Черсий шахьара куран администраце болхлоша. Из хоам «Сердалога» бир цу моттигера.
Шоай къамаьла юкъе, цар белгалдир, гӀалгӀай къам массахана денал долаш, яхь лораеш, лоалахошцара барт, безам чӀоагӀбеш хьаденилга. Черсий тамаш еш хиннаб, къаман юкъе чӀоагӀденна латтача сийдолча Ӏадатех, тахан кхийнараша уж лоархӀаш дӀахьоча балхах.
ГӀалгӀай мехкара доттагӀий бувцаш, царгарча эхьах, эзделах, хозача гӀулакхех хьоахадир мэре болхлоша. Иразе, маьрша, аьттонца баха даькъалабийцар цар гӀалгӀай мохк!
