Шолжа кхален администраци кердача фусаме дӀачуяхай
06.01.2025 13:47
Шолжа кхален администраци ГӀажарий-Юрта хьалъяьча кердача фусаме дӀачуяхай. «Кердача шерца дувзаденна салоӀа денош чакхдаьлча, моттигерча Ӏаьдало нах тӀаийбергба Овшанаькъан урам тӀарча 48-ча цӀагӀа. Из гӀишло хьалъеш, теркалдаьд цига мел эшаргдола хӀама, кхыметтел машинаш дӀаувттаю моттиг.
ДегӀа могашал дика йоацача а ха яхача а наха лаьрхӀа пайда ийцаб «ТӀакхача хало йоаца моттиг» яхача программах. Из хоам тхога бир цигарча Ӏаьдала болхлоша.
Белгалдаккха деза, администраце дукха ца говш довзийтаргда ше болх мишта бергба, наьха гӀулакхашка мишта хьожаш хургья.
