Футболах йолча яхье, дакъа лаьцар мехкарча хьинар долча наха
24.06.2024 09:41
ХьатӀадоагӀача наркотикашта духьала къовсам лоаттабеча денца дувзадаь, футболах ловзаш хилар «Хьалхарчар болам» яхача оагӀон доакъашхой. Шолжа кхалерча дешархошта юкъе дӀайихьар яхь. Из хоам «Сердалога» бир цу моттигерча зарбан болх лелабераша.
«Шахьара мэре юкъедаьккха из гӀулакх, чӀоагӀа раьза болаш, хьаллаьцар дешархоша. ЧӀоагӀа дог ураоттадир цу яхьаша кхувш латтарий. Хьалхара моттиг дӀайихьар Шолжа-Шахьарерча №2 йолча ишкола тоабо, шахьарерча №7, № 4 йолча ишколашта елар шоллагӀа, кхоалагӀа моттигаш. Грамоташ, кубкаш енна белгалбир дакъа лаьцараш», - йоах хоамо.
