Пскове тIом лаьттача тохкамаш деча, дакъа лаьцар вай мехкахоша
Сийлахь-боккхача Даьймехка тIема деношка Пскове фецара кемаш чулийгача моттигашка, царех дисар лохаш болча балха юкъе дакъа лаьцар вай мехкахоша, дIабахача бетта 16-ча денгара 26-ча денга кхаччалца. Из хоам «Сердалога» бир кагирхой гIулакхех йолча комитето.
«Коталон 80 шу дизар дездеш, тIема денош лаьттача хана чулийгача фецарча кемаех дисараш лохаш, боккха болх дIаболабаьб Пскове. Тайп-тайпара тIема исторецара хIамаш кораяьй из гIулакх хьаллаца арабаьнна гIо деш леларашта, хIама лахарах йолча тоабашта, тIема оагIонцарча археологашта, хин кIалха леларашта», - йоах тхога бенача хоамо.
Бахархоша дувцачунга ладийгIа, хин кIалха дIаболабир цар шоай болх. Дикка къахьийгачул тIехьагIа, Максимовец яхача хи чура радиостанци, пулемёта лента, герзацара хIамаш корайир.
Иштта Воккха Иван яхача хин кIалхара араяьхар Пе-2 яхача бомбардировщиках йиса оатхалаш, цу юкъе яр пулемёт, радиатораш, иштта кхыйола кемацара хIамаш. ВIалла доацаш дайнад аьнна лаьрхIа хиннача фецарча кемай оатхалашта тIакхача аьттув баьлар тохкамхой.
ТIема исторецара тохкамаш деча боккхача балха юкъе чIоагIа лоархIаме я кораяь хIамаш.
