«Цу доазон тӀа хоза гӀандаш латт, гонахьарча хозача Ӏаламца дӀаувш дола бесаш хержад, маьлхах е догӀах лоралуш кӀала вала йиш йолаш кхоаленгаш яьй. Укхаза хьадаьр бӀарг тӀаотташ, дегчу даьлга хоалуш да. Цунца хозача кепара дӀаувш да вайна хӀаранена керттера а хьамсара а йолча — Нанна хетадаь сийленг», — аьлар столица администраце говзанчаша.

Вайцига хьабоагӀа хьаьший а иштта бахархой а бӀарг сийрда баккхара вай лораде деза хьадаь даьннар. Цхьаннахьа а нувхаш цахулийташ, шахьара деррига доазув цӀена леладеш. Массанахьа бӀарг кхоачаш, долаш дар лорадеш хила деза вай», — йоах столица мэре хьабайтача хоама тӀа.