«Барт» яхача халхара тоабо котало яьккхар
12.06.2024 11:36
Москверча «Росси» оалача халкъашта юкъерча гойтаме-кхетаче «Йолле, Росси!» яха лоамарой халхара яхь хилар, цунна юкъе дакъа лоацаш яр ГӀалгӀай мехкара, Къараший-Черсий, ГӀаьбартой-Балкхарой, Селий мехкара халхара тоабаш.
Халхарчаша гойтар тамашийна говзал, дегӀа хозал, артистий начӀал. Из деррига цар дийцар халхарга гӀолла. Хьажархоша йоккха дегагӀоз хиле тӀаэцар хӀара тоаба, цо ду халхар. ТӀоараш тохара тата хьахьокхача чоалхо белгалваьккхар котваьннар. Эггара дукхагӀа «Барт» яхача вайцигарча ансамбла тӀехьа хилар цига вӀашагӀкхийтта адам.
Даькъалаювца лов «Барт» яха тоаба, йоагӀаш яьккхача коталонца! Цун халхар яхь хозъеш хилар, цудухьа массанена цхьатарра деза а делар.
