ГӀалгӀайчен ансамбло «Казанера малхбоален базар» яхача фестивале толам баьккхар
04.12.2024 12:47
ГӀалгӀайчен начӀал долча халхарчий тоабах «Казанера малхбоален базар» яхача фестивала лауреат хилар. Вай мехкара цига дакъа лоацаш яр «ГӀалгӀайче» яха Паччахьалкхен халкъа халхара ансамбль, яхаш, дийцар «Сердало» газетага культуран Министерстве.
«Хи йисте вӀашагӀкхетарга», «Лоаман халхарга» гӀолла, вай мехкахоша гойтар ерригача гӀалгӀай культуран хозал. Шоай начӀал, халхара говзал гойташ цар цецбаьхар цига хиннараш»,- аьлар культуран болхлоша.
Безам тӀабодаш дар цига 50 къаман культураш йовзийташ хилар а, иштта 30 мехкара нах цига дакъа лоацаш хилар а. Къилбаседа Кавказера шоай халхараш гойтар ГӀалгӀайчено, Нохчий мехко, Селий мехко, Къарший-Черсий республико.
