2025-ча шера баьча балхах дийцар Шолжа-Шахьарерча наркоманеца къовсам лоаттабеча комиссе
Укх шера 12 бетта шоай кхоачашде аьттув баьннарех дийцар кхетаче Шолжа-Шахьарерча наркотикашца къовсам лоаттабеш йолча комиссе. Из хоам «Сердалога» бир мэре зарбан болх лелабеча Батиганаькъан Хьавас.
«Россе МВД «Шолже» яхача МО оагӏон болхлоша белгалдир шоаш кхоачашдаьр. Шолжа кхалерча ГБУЗ дарбанчен лора-нарколога къамаьл дир ший балхах. Шахьара да волча ӏумаранаькъан Аслана кулгал деш, дешара моттигашка шоаш дӏакхихьача балхах дийцар комиссе доакъашхоша», - белгалдир администраце.
«Вай дерригаш цхьана духьалъотта дезаш дола доккха, бӏеха во да из! Полици, лораш, хьехархой, дийша нах, беррига бахархой наркотик яхача дохьажа духьала къовсам лоаттабеш, из вайна юкъера дlадаккха гӏерташ хила беза. Къаьстта кагирхошца боккха, лоархӏаме болх лоаттабе беза вай тахан», - аьлар ӏумаранаькъан Аслана.
