«Из йоккха кхетаче дIахьош я вай сийдолча ветеранашта хетаяь, цар дог гIоздаккхара. Ветераний оагIув, иштта цар тIехьений оагIув хьаллаца вIашгIъеллай из акци. Тахан, вай мехкал арахьа бахаш дуккха нах ба, цхьацца долча къамаша из акци дIаяхьа пурам ца луш», —  аьлар, ший къамаьла юкъе, БIархой Бекхана.

Эггара лакхагIа йолча гIалан тIагIолла хьоарчадаьча Георгиевски лента хьахьокхаргда, тIемо тIадена хинна Iазапи, фашиста духьала лаьттача ветеранаша лайнари, вай наха цIаккха а дицлургдоацалга! Цу кхетаче хургбола кадеташи юнармейцаши Z, V яха алапаш, хьахьокхаш дIанийслургба. Волонтераша декъаргда, Магасе лелача наха, ленташ, «Единая Россия» яхача парте доакъашхоша полевой кухни хьаелларгья. БIухой даарах чам баккха йиш йолаш хургба, безам мел бараш.