Бизнес лелаерий бокъонаш лораеча Дзовранаькъан Заьлмахас жоп делар журналистий хаттарашта
Магасе дӀайихьача баьча балхах дувцача пресс-конференце, ГӏалгӀай Республикан шоай доалахьара болх берий бокъонаш лораеш волча Дзовранаькъан Заьлмахас дийцар, 2024 шера баьча балхах, яхаш, дийцар «Сердало» газетага цу моттиге.
Журналисташца дӀахьош хиннача дика хоттаденнача къамаьло таро елар юкъарлонна дӀадовзийта бӀарчча шера цун тоабо баьча балха толамаш. Цу тайпара кхоачашдир лаьтташ хьатӀаяздарца дувзаденна хинна хаттараш, цу юкъе йоал яккхар, лаьрххӀа дола хьаракаш-маркировка юкъеяккхар а долаш. Цул совгӀа, Заьлмахий теркама юкъе дар Ахархой боахамий (КФХ) болхлоша даь кхайкарал, юхейиса страховой взносаш шоашта хьахьожаяр а хьаялар а дехаш, иштта дӀа-юха лелаш доацача боахамий маьхаш а цу юкъедоагӀаш дар.
2024 шера хилар 247 кхайкарал, царна юкъе 20 кулгаца яздаь да. Хӏанз, караг1даьннар дувцача хана, царех 5 кхоачашдеш латт, 15 юридически наха новкъостал даьд, цар бокъонаш меттаоттаеш. Цунца цхьана ши моттиг я бизнеса бокъонаш лораечо суда заседане дакъа лаьца а, кхоалагӀча сага хьалхара хилар из цига, къовсама юкъе шийна хетар дӀаала вӀаштӀехьа ца долача сага гадоаккхаш.
«Болх дӀабихьача юкъа оаха новкъостал дир тайп-тайпарча даькъ тӀа, цу юкъе законаш лорадеш бола болх а дика дӀабихьаб. Белгалдаккха лов, мехка Кулгалхочо Келаматанаькъан Махьмуд-Ӏаьлас дика новкъостал ду шоай хӀама хьадерий таронаш дегӀайоалаяра, цо хьакхоллаш я бизнесмений хьашташ кхоачашдара йола оагӀонаш», - аьлар Дзовранаькъан Заьлмахас.
