ГӀалгӀайчера боксёр дакъа лоацаш ва, Россе хьалхале яккхара юкъе
ГӀалгӀайчен къонача боксёра, яхьашка дика дакъа лацарах, Россе хьалхален полуфинале моттиг яьккхар. Яхьаш дӀахьош яр маьтсела бетта 12-ча дийнахьа «Олимпийски» яхача спортивни комплексе, яхаш, дийцар «Сердало» газетага ГӀалгӀай Республикан Паччахьалкхен зарбан болх лелабераша.
Дика вӀашагӀъехка, 400 латархочо дакъа лоацаш, дӀахьош хиннача яхьашка Фаьрганаькъан Хьамзата шозза лакха толам гойтар. Полуфинале кхачара наькъ тӀа воалаш, из лата везаш хилар Саратовски областерча боксёраца Кареттев Константинаца», -аьлар хоамо.
Белгалду, полуфиналерча яхьашка из лата везаш ва Пермски края спортсменаца Зубарев Егораца. ХӀанз Хьамзат кийчо еш ва, Булгачанаькъан Мухьада тӀахьожамца.
ХьалхагӀа «Сердало» газето яздаьдар, ГӀалгӀайчен ондаргех дикагӀа болча спортсмений тоаба, Чехова цӀерагӀча шахьаре дӀахьоча бокса Россе хьалхале яккхара яхьашка дакъа лаца яха хиларах.
