Вай боксёра, Россе чемпионате, борза совгӀат даьккхар
19.05.2024 13:45
ГӀалгӀай латархочо, 19-22 шу даьннарашца латаш, маьтсела бетта 10-ча дийнахьа Краснодарски Шан элгаца чу дӀахьоча Россе чемпионате «борза» совгӀат даьккхар, яхаш, дийцар «Сердало» газетага ГӀалгӀай Республикан бокса Федераце зарбан болх лелабеча ГӀаппархой Аишас.
«Халкъашта юкъерча класса спорта мастер волча Павлюк Николая дагалоаттама вӀашагӀъехкача яхьашта, дукхача регионашкара баьхкача спортсмений терко тӀаяхар.
Оздой Тамерлана (67 кг) боккхагӀчарна юкъе яхьеваьнна, ший мохк дикагӀча оагӀорахьара гойтар. Юххера а, цун къовсам хилар, Краснодарерча Соловьев Каренаца», - йоах хоамо.