3700 гаргга вай мехкара бер лагерашка салоӀаш хургда
16.05.2025 10:48
Укх шера вай мехкара 3 700 совгӀа бер 33 лагере салоӀаш хургда. Ишколашка хьаеллача 31 лагере салоӀаргда 2 654 бера, «Аьрзи» яхача лагеро тӀаэцаргда 900 бер, «Къона патриот» яхача лагере 158 бера ха дӀахьоргья.
Эггара хьалхарча оагӀонца хьакъоастадергда бойла диса, таро хала йолча цӀагӀара, СВО доакъашхой бераш. Иштта вай мехкарча лагере салаӀа кхоачаргда, Запорожски областера 50 бер.
«Гуцаранаькъан Микаила «САФМАР» яхача гӀо лоаттадеча ганзага гӀолла, «Аьрзи» лагере берий боаггӀача боараме салаӀа аьттув хургболаш, дукха хувцамаш даьд», - белгалдир вай мехкадас Келаматанаькъан Махьмуд-Ӏаьлас. Республикан кулгалхочо хьоахадир, «Къона патриот» яха лагерь тоаеш болх дӀабихьалга.
