Кхо саг лозавеш, машинашца хатар хиннача, оарцагӏбаха хилар МЧС болхлой
10.11.2026 10:56
Р- 217 «Даькъасте» наькъ тӏа кхо саг лозавеш ши машин вӏашкакхийтта хатар хиннад, аьнна, хоам бера «112» оагӏон болхлошка. Ворхӏлагӏчох ах сахьат даьнна ха яр, Яндаре йолчахьа из хьаштдоацар нийсденнад, аьнна, хоам кхаьчар.
«Сердалога» бенача хоамах, цу моттиге сиха оарцагӏбахараш «Аьрзи» яхача МЧС оагӏон къахьегамхой бар. «Мерседес», «Газель» яха машинаш яр цига вӏашкакхийтта хиннараш. Цу хатара юкъе лозаваь кхо саг тайп-тайпара човнаш хинна бар.
Даьла къахетамца, сага вахар ца хадаш дӏадийрзар из. Лозабаьраш цу сахьате республикерча клинически дарбанче ӏочубигар лорий машинаца.
Хатар хиннача доазон тӏа болх дӏахьош хиннараш ПСО «Аьрзи» кхо саг вар. Хатар нийсдалара бахьан тохкаш, къахьегаш ба полице болхлой.
