Полице Денца вай мехкара ӏаьдала болхлой даькъалабийцар Мехкадас
Вай мехкадас Келаматанаькъан Махьмуд-Ӏаьлас полице Денца даькъалабийцар, республикерча МВД болхлой. Къаьстта терко еш къамаьл дир цо республикерча чухьарча гӏулакхех йолча министерствон хьалха латтача Котов Владимирга, МВД ветеранашка.
Мехкадас белгалдир, полице болхлой гӏулакх республикера кхерамзлен хьалаца дувзаденнараш лорадарца, массахана фийла болаш къахьегарца, наьха хьал паргӏата хилийтарца дувзаденна долга. Хӏаьта из деррига боаггӏача боараме лорадеш дӏадахьа лакха майрал, денал, яхь, Даьхенах дог лазаш хилар эш.
Полице болхлой декхараш лоархӏамедарех да, цунга хьежжа, из никъ хержар ший болх массахана тоабеш, лакха терко еш хила веза. Наьха кхерамзленца дувзаденнараш лерттӏа хилар, цар денош паргӏата хилар ӏаьдала болхлой къахьегамца дувзаденнилга кхетаду вай. Вай Мехкадас белгалдир, МВД болхлой зуламхошта духьала къовсам лоаттабеш, лакхе хьоахадаьраш боаггӏача боараме лорадеш, республике машар латтийташ хургхилар.
Къаьстта терко тӏайохийташ дийцар республикан кулгалхочо, декхараш кхоачашдара наькъ тӏа вахар хаьдача МВД болхлоех. Ах эзар гаргга деналах, майралах бизза хинна къахьегамхой бар Даьхен хӏама лорадеш лаьттараш, зуламхошта духьале еш хиннараш. Вайна цӏаккха а йицлургьяц цар цӏераш, гойта турпалал.
Доккха баркал кхайкадир, РФ МВД болхлой цӏай дездеш, хьинаре къахьегаш чакхбаьннача, тахан къонача болхлошта дукха хӏама хьалхадоаккхаш латтача ветеранашта.
Келаматанаькъан Махьмуд-Ӏаьлас могаш, маьрша волаш, аьттонца, кердача толамашца, деналца къахьегаш ший декхараш лораде даькъалавийцар Котов Владимир, полице беррига болхлой, ветеранаш.
